Presidenti i Burundit bëhet kreu i parë i shtetit në botë që humbi jetën nga Covid-19, konfirmojnë mjekët e spitalit Karusi, megjithë zyrtarët qeveritarë insistojnë se vdekja ishte për shkak të sulmit në zemër.
Një burim mjekësor në spitalin Karusi ku vdiq Nkurunziza, ka konfirmuar se presidenti kishte shqetësim në rrugët e frymarrjes para së të ndërronte jetë.
Mjekët në spitalin universitar Kamenge në Bujumbura i thanë AFP-së se kreu i institutit të shëndetit publik kërkoi të vetmin ventilator të spitalit të tyre dhe shefin e shërbimit tonë të reanimacionit ‘në emër të presidencës’ të hënën në 10 të mëngjesit.
Presidenti u dërgua në spitalin në Karusi, por ishte “shumë vonë”, ai ishte “tashmë i vdekur”, tha një burim mjekësor në Karusi. Dyshimet kishin qenë të larta se presidenti kishte Covid-19 pasi gruaja e tij ishte shtruar në spital në fund të majit me virusin.
Një dokument mjekësor i parë nga AFP thoshte që ajo kishte testuar pozitive për virusin dhe kishte probleme me frymarrjen.
Vendi afrikan njoftoi vdekjen ‘e papritur’ të Nkurunzizës më 9 qershor duke shpallur një javë kombëtare zie.
Qeveria ende nuk ka njoftuar një datë për varrosjen e tij, por po shënon periudhën shtatë ditore të zisë kombëtare, gjatë së cilës ka ndaluar muzikën në bare, klube të natës dhe karaoke, thuhet në një deklaratë të enjten./Br.Xh/
