Në SHBA priten që në nëntor të zhvillohen zgjedhjet presidenciale. Por shqiptarët e Amerikës të cilët numërohen rreth 300 mijë, kanë nisur debatet se kë duhet të votojnë. Bujar Nishani, në emisionin HARD TALK NGA ROLAND QAFOKU për grupin mediatik “FJALA”, u shpreh se cilido që të zgjidhet, gjithmonë SHBA do jetë aleat i Shqipërisë.
-Amerika është përballë një procesi zgjedhor. Si duhet të sillet shqiptari i Amerikës me zgjedhjet atje?
-Duhet të isha Edi Rama që të jepja këtë përgjigje. Mund t’iu them këtë, që cilido nga kandidatët të rezultojë fitues jam i bindur që partneriteti dhe miqësia me Shqipërinë dhe me shqiptarët do vazhdojë sepse ka një trashëgimi në shtetin amerikan, në politikën amerikane. Roli i diasporës shqiptare në Amerikë është injoruar pa të drejtë nga Shqipëria në vijimësi. Kam pasur rastin të shikoj sa potenciale të jashtëzakonshme kemi ne atje. Sot ne duhet të kishim të paktën minimumin ministrin e diasporës nga shqiptarët e Amerikës. E dini ju që sot shteti shqiptar nuk ka bërë asnjë sponsorizim dhe financim për ndërtimin e një qendre të vetme kulturore për shqiptarët e diasporës./Fjala.al/Ke.Ba
https://www.youtube.com/watch?v=f5Jdq8n2v84
