Gjykata për Krim të Organizuar ka rrëzuar kërkesën e të dyshuarit për atentatin ndaj ish-prokurorit Arjan Ndoj.
Burime për “Fjala” bëjnë me dije se Redjan Rraja u la në burg, përkundër kërkesës së tij për një masë më të lehtë siguriee.
Rraja ndodhet në burg lidhur me atentatin e 1 nëntorit pranë zonës së Sukthit, ku mbeti i plagosur prokurori i Durrësit, Arjan Ndoj dhe dy të tjerë.
34-vjeçari ka mohuar që të ketë gisht në ngjarje dhe ka deklaruar se gjithçka e ka mësuar nga media.
Ndaj Redjan Rrajës rëndojnë akuzat e “Vrasjes së funksionarit publik”, “Vrasje e mbetur në tentativë dhe “Armëmbajtje pa leje”.
Shkak për rënien në gjurmët e 34-vjeçarit u bënë një palë syze të gjetura në makinën tip ‘Benz’ me targa AA 234 LM, të cilën atentatorët e braktisën pas ngjarjeve.
Pikërisht shenjat e gishtave të gjetura në syze e “morën më qafë” Rrajën, pasi përkonin me të tijat./Bl.Ba/Fjala.al
