Pikërisht në kohë luftërash dashuria bëhet më e ndjeshme. Meshkujt mobilizohen, shkojnë në front dhe nuk dihet në kthehen më pranë të afërmve të tyre. Në këtë mënyrë dashuria për gratë, të fejuarat apo të dashurat, bëhet edhe më treguese. Këto foto historike ilustrojnë dashurinë midis çifteve të luftës.
Dhe dashuria është pasqyruar bukur në to. Marinari që puthet me një infermiere në Times Square të New York-ut është fotoja ikonike që simbolizon fundin e Luftës së Dytë Botërore, në vitin 1945. Fotografitë e rralla të kohës së luftës tregojnë një kënd tjetër, atë që dashuria gjithmonë do ta gjejë një mënyrë për t’u shfaqur bindshëm, dhe ju ndoshta një histori të ngjashme nuk do ta gjeni në asnjë libër.
Kohët ndryshojnë. Asgjë nuk mbetet e njëjtë përgjithmonë. Edhe gjatë shekullit XX shumë gjëra kanë ndryshuar. Ne kemi parë ndryshime në stilin e jetesës, muzikë, pajisjet shtëpiake, medikamentet dhe sistemet kompjuterike.
Megjithatë, pavarësisht se si ka evoluar teknologjia, ekziston një çështje që ka mbetur gjithmonë e njëjtë dhe e pandryshueshme, një gjë nuk ndryshon pa marrë parasysh se kalon koha, dhe kjo është dashuria.
Ne e konsiderojmë të mirëqenë se kur i themi dikujt “Flasim më vonë”, “Shihemi më vonë”, “Do të kthehemi së shpejti”. Por ky nuk ishte rasti i Luftës së Dytë Botërore, ku njerëzit nuk e kishin idenë, nëse do të bashkoheshin ndonjëherë me miqtë dhe familjen.
Dhe, për fat të keq, shumë nuk e patën atë fat. Këto foto të kohës së luftës, duke marrë parasysh rëndësinë kulturore, vlerën e lajmeve dhe estetikën e përgjithshme, futen në koleksionin e mrekullueshëm si tregues i ndjenjave që përfaqëson dashurinë, pafajësinë, dëshpërimin, humbjen dhe këmbënguljen e padurueshme brenda nesh.
Gjithashtu, këto fotografi shërbejnë për të na kujtuar se jeta është e shkurtër, kështu që mos prisni deri në ditën e Shën Valentinit për t’i thënë dikujt që i doni. Ia thoni në çdo çast!
Përgatiti për botim: Leonard Veizi
la.mi/Fjala.al
