“Tashmë është alokuar fondi nga buxheti i shtetit për rimbursimin e penaliteteve që qytetarët shqiptarë kanë marrë jashtë shtetit prej thyerjes së afateve të qëndrimit”.
Këtë njoftim e bëri të ditur mesditën e sotme ministrja e Ekonomisë dhe Financave, Anila Denaj nëpërmjet një video- mesazhi.
Kjo vlen për qytetarët që e kanë thyer këtë afat 10 mars- 1 qershor por nga sot janë hapur aplikimet dhe ata që kanë penalitete dhe i kanë paguar duhet që të dorëzojnë në Postë dokumentacionin e vërtetimit të marrjes së penalitetit dhe të pagimit të saj si dhe numrin e llogarisë bankare.
Më tej Denaj thotë se brenda qershorit rimbursohen të gjithë aplikuesit teksa në rast se nuk merret qytetarët të ankohen tek Tatimet.
“Është alokuar një fond nga buxheti i shtetit për të rimbushura vlerën e penaliteteve që qytetarët kanë marrë si rezultat tejkalimit të afateve të qëndrimit jashtë vendit, në periudhën 10 Mars – 1 Qershor 2020.
Sipas vendimit të Këshillit të Ministrave, çdo qytetar është i lutur të aplikojë pranë administratës tatimore nëpërmjet Postës Shqiptare, me një dokumentacion që vërteton marrjen dhe pagesën e penalitetit dhe numrin e llogarisë bankare ku do të ndodhë rimbursimi.
Rimbursimi do të ndodhë i plotë dhe në vleftën e lekut. Jeni të lutur që prej ditës së sotme të bëni këtë aplikim dhe brenda qershorit do të bëhet rimbursimi i plotë, në rast mungese rimbursimi, ju lutem na shkruani”, tha Denaj./Bl.Ba/Fjala.al
