Një 49-vjeçar nga fshati Vokopolë në Urë-Vajgurore ka qëlluar disa herë veten në fyt me thikë.
Ngjarja ka ndodhur rreth orës 11:00 brenda banesës së tij dhe nuk dihen ende shkaqet që e kanë çuar 49-vjeçarin Arjan Nitra ka ndërmarrë këtë akt.
Menjëherë pas ngjarjes ai është transportuar në gjendje të rëndë drejt Spitalit Rajonal të Beratit ku i është nënshtruar një ndërhyrjeje kirurgjikale dhe aktualisht ndodhet në terapi intensive, nën kujdesin e mjekëve.
Mjekët e Spitalit Rajonal Berat konfirmojnë se gjendja e tij është kritike dhe në rrezik për jetën. Sipas mjekëve, ai do të transportohet drejt Spitalit të Traumës në Tiranë.
Mësohet se 44-vjeçari Arjan Nitra është i martuar dhe baba i dy fëmijëve. Nga deklaratat e të afërmve të tij mësohet se prej disa muajsh Nitra kishte shfaqur shenja depresioni.
Grupi hetimor po punon për sqarimin dhe zbardhjen e plotë të kësaj ngjarje./Bl.Ba/Fjala.al
