Një ngjarje e rëndë ka ndodhur në qytetin e Beratit, nga ku mësohet se është abuzuar seksualisht me një fëmijë 5-vjeçar.
Familja e fëmijës, banuese në lagjen ‘Barrikadë’ në Berat kanë denoncuar rastin në Drejtorinë Vendore të Policisë, ndërsa pak këtij kallëzimi është bërë arrestimi i 48-vjeçarit.
Ndërkohë nga vizita mjekësore ka rezultuar se 5-vjeçarja kishte shenja të ngacmimit seksual, që sipas mjekëve nuk ishin finalizuar. E mitura është ngacmuar seksualisht nga komshiu i saj 48-vjeçar që ishte i njohur nga banorët e lagjes si pijanec.
Po ashtu mësohet se ky person rrinte shpesh dhe luante me fëmijët e lagjes në sheshpushimet përpara pallateve, por deri në këto momente askush nga banorët nuk ishte ankuar për sjelljet e tij ndaj fëmijëve.
Rrethanat e kësaj ngjarjeje të rëndë dhe dinamika e saj nuk dihen ende, pasi nga ana e policisë nuk konfirmohet se ku dhe si ka ndodhur ngacmimi seksual raporton News 24.
Ndërsa pasi fëmija është marrë në pyetje, në prani edhe të psikologëve, policia e Beratit ka arrestuar 48-vjeçarin dhe po punon për zbardhjen dhe dokumentimin e plotë të kësaj ngjarjeje të rëndë.
“Specialistët për hetimin e krimeve në Komisariatin e Policisë Berat, ndaluan shtetasin S.K., 48 vjeç, banues në Berat, pasi dyshohet se ky shtetas ka konsumuar elementë të veprës penale ‘Ngacmimi seksual me të mitur’, me një fëmijë 5 – vjeçar. Materialet i kaluan Prokurorisë pranë Gjykatës së Shkallës së Parë Berat për veprime të mëtejshme”,-bën me dije Policia e Beratit.ka.ta/Fjala.al/
