Vetëm pak minuta më parë kryesia e Lidhjes Demokratike të Kosovës votoi për shkarkimin nga detyrat në parti të Vjosa Osmanit.
Por, ky votim në mbrëmjen e kësaj të shtune nuk ishte unanim në bazë të udhëzimeve të Isa Mustafës. Ka pasur dhe nga ata anëtarë të kryesisë që kanë kundërshtuar “urdhrat” e kryetarit të partisë. Pas mbledhjes së Këshillit të Përgjithshëm është vendosur që Osmani të largohet nga kryesia e LDK-së dhe të mos jetë më nënkryetare.
Mediat në Kosovë kanë publikuar dhe emrat e atyre që kanë votuar kundër shkarkimit të Osmanit.
Mësohet se disa nga anëtarët e Këshillit të Përgjithshëm të LDK-së që votuan kundër shkarkimit të Vjosa Osmanit nga pozitat e saj në LDK janë: Valentina Bunjaku, Anton Quni, Haxhi Avdyli, Ardian Shala, Avdi Pireva, Lumir Abdixhiku, Xhafer Tahiri.
Gjithashtu bëhet me dije se anëtarët e Këshillit të Përgjithshëm të LDK-së nuk e dinë rezultatin për shkarkimin e Vjosa Osmanit.
la.mi/Fjala.al
