Presidenti i Serbisë, Aleksandër Vuçiç ka zhvilluar një takim me homologun rus, Vladimir Putin, ku kanë folur në lidhje me çështjen e Kosovës.
Vuçiç u takua me Putin në Moskë, ku po qëndron për të marrë pjesë në paradën që do të organizohet me rastin e përvjetorit të përfundimit të luftës së dytë botërore.
Pas takimi kokë më kokë, në Kremlin, presidenti serb tha se mori “këshilla dhe analiza të mira” gjatë bisedave për rrugët e zgjidhjes së çështjes së Kosovës.
“Dhe nëse mund të them, Putini në një mënyrë të zgjuar paraqiti mendimet e tij duke respektuar qëndrimet e Serbisë. Rusia e respekton Serbinë dhe për këtë nuk ka asnjë dyshim”, tha ai, pa specifikuar se cilat ishin këshillat e Putin.
Vizita e Vuçiç në Moskë, ndodh në prag të takimit të së shtunës mes Kosovës dhe Serbisë në Shtëpinë e Bardhë, me ndërmjetësimin e ambasadorit Richard Grenell.
