Një operacion i policisë së Kavajës i koduar “Shëtitësi” ka vënë në pranga një person, të dyshuar për së paku pesë vjedhje në banesa.
Policia thotë se nga hetimet e kryera si dhe falë shërbimeve grackë të ngritura, u arrestua në flagrancë gjatë operacionit policor të koduar “Shëtitësi”, 33-vjeçari A. Ç., 33 vjeç, banues në Durrës, i dënuar më parë për veprën penale “Vjedhja”
I riu u kap në flagrancë, në orët e para të mëngjesit të sotëm, gjatë operacionit të zhvilluar nga shërbimet e Policisë, duke tentuar të vjedhë në lokalin në pronësi të shtetasit T. V.
Nga tërësia e veprimeve hetimore të kryera ka rezultuar se 33-vjeçari është autor i vjedhjeve në disa banesa, konkretisht:
– Më datë 11 maj ka vjedhur disa sende elektro-shtëpiake në banesën e shtetasit Sh. M.
– Më datë 15 maj ka vjedhur me thyerje banesën e shtetasit H. Gj., ku ka marrë një televizor.
-Më datë 30 maj ka vjedhur me thyerje banesën e shtetasit D. H., ku ka marrë një televizor.
-Më datë 10 prill ka vjedhur një televizor në banesën e shtetasit Sh. D.
-Më datë 12 prill ka vjedhur dy televizorë në banesën e shtetasit D. D.
Në cilësinë e provës materiale janë sekuestruar sendet që dyshohet se ky shtetas i përdorte për të kryer vjedhjet.
Aktualisht vijon puna për dokumentimin e vjedhjeve të tjera të ndodhura në rrethin e Kavajës, në të cilat mund të jetë i implikuar i ndaluari.
Në ngarkim të tij materialet iu referuan Prokurorisë së Tiranës, për veprime të mëtejshme, për veprën penale “Vjedhja”./Bl.Ba/Fjala.al
