Ministri i Diasporës Pandeli Majko deklaroi se maxhoranca sot nuk ka frikë nga vota e diasporës.
I ftuar në emisionin “Real Story”, Majko u shpreh se mazhoranca aktuale do fitojë edhe një mandat të tretë.
Ministri tha se maxhoranca ka thuajse të gjitha bashkitë në vend dhe është ajo që kërkon shpesh ndryshime, ndërsa edhe diaspora është një segment që kërkon ndryshimet e jo status quo-në.
“Kemi një opozitë jo të unifikuar. Nëse shohim opozitën sot brenda në Kuvend e jashtë parlamentit, kanë këndvështrime të ndryshme. Opozita duhet ta shikojë me seriozitet se çfarë ariu ka përballë dhe ariu është PS e jo Edi Rama. Ariu po forcohet. Ne nuk kemi frikë nga diaspora.
Kjo sepse diaspora do ndryshime e nuk do status quo. Ne jemi sot në pushtetet lokale të gjitha. Kemi pra më shumë pushtet sot. Mandati i tretë do jetë shumë i lidhur me negociatat e BE. Një pjesë e administratës duhet që të shikohet. Kapacitetet europiane të Shqipërisë kërkojnë rivlerësim”, tha Majko.
la.mi/Fjala.al
