Ambientalisti Abdulla Diku përmes një postimi në Facebook ka sqaruar “misterin” e sferave të gurta të cilat ndodhen në Lekdush të Tepelenës.
Mes të tjerash ai sqaron se sferat janë prej guri gëlqeror, konglomerato se mermeri me ngjyrë të bardhë.
“Në anë të rrugës Lekdush-Nivicë, në disa gurë shtufi duken së largu disa sfera guri të vendosura brenda tyre.
Është e dukshme që sferat e gurit kanë tjetër përbërje nga shtufi, por rrumbullakësia e tyre është e mahnitshme.
Sferat janë prej guri gëlqeror, konglomerato se mermeri me ngjyrë të bardhë.
Proçesi i erozionit qindra e mijëravjeçarë ka bërë që shtufi të konsumohet dhe në këtë mënyrë sferat prej guri kanë dalë në sipërfaqe.
Vetëm gjeologët mund ta shpjegojnë mirë këtë fenomen dhe se si natyra ka gdhendur në perfeksion sfera të tilla!
Ndryshe do kemi dhe ne sferat tona me prejardhje misterioze, siç janë zbuluar edhe në disa vende të tjera të botës!”, shkruan Diku./Bl.Ba/Fjala.al
