Ish numri dy i Prokurorisë së Tiranës, Shpëtim Kurti largohet përfundimisht nga sistemi i drejtësisë.
Vendimi është marrë sot nga Kolegji i Posaçëm të Apelimit i cili ka lënë në fuqi vendimit nr. 80, datë 23.11.2018 të Komisionit të Pavarur të Kualifikimit.
KPK e gjeti Kurtin me probleme në justifikimin e pasurisë dhe po ashtu thanë se ai kishte lidhje të papërshtatshme me persona të përfshirë në krimin e organizuar.
Vendimi i plotë i KPA
Trupi gjykues i Kolegjit të Posaçëm të Apelimit, i përbërë nga Rezarta Schuetz kryesuese, Sokol Çomo relator, Albana Shtylla, Ina Rama, Natasha Mulaj anëtarë, shpalli vendimin për çështjen (JR) nr.5/2019, datë 28.01.2019, që lidhet me ankimin e subjektit të rivlerësimit Shpëtim Kurti, kundër vendimit nr. 80, datë 23.11.2018 të Komisionit të Pavarur të Kualifikimit.
Në përfundim të gjykimit në dhomë këshillimi, trupi gjykues, bazuar në nenin Dh, pika 3 dhe 4 të Aneksit të Kushtetutës, nenin 61, pika 2 dhe 3, si dhe në nenin 66, pika 1, shkronja “a” e ligjit nr.84/2016, “Për rivlerësimin kalimtar të gjyqtarëve dhe prokurorëve në Republikën e Shqipërisë”, në mënyrë unanime, vendosi:
Lënien në fuqi të vendimit nr. 80, datë 23.11.2018 të Komisionit të Pavarur të Kualifikimit, që i përket subjektit të rivlerësimit Shpëtim Kurti.
Ky vendim është përfundimtar dhe ka efekt të menjëhershëm.
U shpall sot, në Tiranë, më datë 24.06.2020.
