As amerikanët, as rusët, as brazilianët. Qytetarët e këtyre vendeve nuk do të jenë në gjendje të hyjnë në Bashkimin Evropian kur kufijtë e saj të jashtëm, të cilët janë mbyllur nga koronavirusi që më 16 Mars, gradualisht të rihapen javën e ardhshme.
Ambasadorët debatuan dje pa arritur një marrëveshje, duke shtyrë vendimin deri për të premten.
Punimet bazohen në tre kritere themelore për të përcaktuar se cilat vende përmbushin garancitë e mjaftueshme për të hapur kufijtë evropian.
BE mbylli hyrjen në territorin e saj për të gjithë pasagjerët që vijnë nga jashtë, me përjashtim të diplomatëve, mjekëve dhe specialistëve të pandemisë, si dhe shtetasve dhe banorëve të BE-së.
Që atëherë, Evropa e ka mbajtur kufirin e saj të mbyllur, dhe tani ka filluar hapja graduale. Midis 15 dhe 23 qershor, shumica e vendeve në zonën Shengen ngritën barrierat e tyre të brendshme dhe më 1 korrik është koha për të hapur ato të jashtme.Ka.li/Fjala.al/Burimi:LaVanguardia
