Analisti dhe njohës i çështjeve të rajonit, Enver Bytyçi komentoi zhvillimet më të fundit në Kosovë, ku ndër të tjera theksoi se tërheqja e Rusisë në një situatë të tillë është e dyshimtë.
“Futja në lojë e Shteteve të Bashkuara të Amerikës dhe mos reagimi i Rusisë për ndikimin e SHBA-ve, për mua, është diçka e dyshimtë. Rusët kanë qenë të vendosur se nëse janë amerikanët të pranishëm, do të jenë edhe ata do të jenë të pranishëm. Tërheqja në këtë moment e tyre ka një prapavijë, por secila është nuk mund ta them dhe nuk mund ta shpjegoj”, u shpreh Bytyçi në A2.
Më tej, Bytyçi vlerësoi diplomacinë e Beogradit, duke theksuar se ajo po synon të shfrytëzojë kontradiktat mes Shteteve të Bashkuara dhe disa vendeve të BE-së.
“Serbia rri urtë, por ka një diplomaci shumë të shkathët, për ta pasur zili. Ata synojnë të shfrytëzojnë kontradiktat mes SHBA-ve dhe disa vendeve të BE-së në të mirë të saj, ndërsa Thaçi dhe një pjesë e mirë e politikës në Prishtinë dhe në Tiranë ka bërë të kundërtën. Vuçiç është shumë i kujdesshëm kur flet për vende të BE-së dhe SHBA-në. Kosova duhet të mësojë nga diplomacia e Serbisë”, u shpreh Bytyçi.
La.mi/Fjala.al
