Policia e shtetit ka bërë të mundur identifikim e një aktiviteti të shpërndarjes së drogës në sasi të vogla në qytetin e Gramshit.
Si pasojë është vënë në pranga një 23-vjeçar i cili ushtronte prej disa kohesh këtë aktivitet kriminal.
Janë sekuestruar në cilësinë e provës materiale lëndë narkotike, një sasi fishkësh, një armë gjahu, shkop metalik me hapje dhe automjeti me të cilin lëvizte autori.
Materialet hetimore i kaluan Prokurorisë pranë Gjykatës së Shkallës së Parë Elbasan, për veprimet e mëtejshme.
Njoftimi i policisë
Gramsh
Goditet një rast i shpërndarjes të drogave në doza të vogla.
Në pranga 23-vjeçari që ushtronte këtë veprimtari kriminale.
Sekuestrohen lënda narkotike, një sasi fishkësh, një armë gjahu, shkop metalik me hapje dhe automjeti me të cilin lëvizte autori.
Në vijim të punës për parandalimin dhe goditjen e shpërndarjes së drogave në doza të vogla, specialistët për Hetimin e Narkotikëve dhe Trafiqeve në Drejtorinë Vendore të Policisë Elbasan, në bashkëpunim me shërbimet policore të Komisariatit Gramsh, arrestuan në flagrancë shtetasin:
- M., 23 vjeç, banues në fshatin Cerice, Skrapar, pasi në aksin rrugor Gramsh-Kodovjat, është ndaluar nga shërbimet e Policisë dhe gjatë kontrollit të ushtruar në automjetin me të cilin po lëvizte ky shtetas.
Policia gjeti dhe sekuestroi në cilësinë e provës materiale 37 doza me kanabis, kokainë, një shishe farmaceutike me lëng vajor i dyshuar si kanabis, 14 fishekë, armë gjahu, një shkop metalik me hapje (si ato që përdorin forcat e policisë), si dhe automjetin me të cilin ai lëvizte.
Vijon puna për kapjen e personave të tjerë të përfshirë në këtë veprimtari kriminale.
Materialet hetimore i kaluan Prokurorisë pranë Gjykatës së Shkallës së Parë Elbasan, për veprimet e mëtejshme.
