Një ngjarje e rëndë është regjistruar mbrëmjen e djeshme në një nga lokalet e kryeqytetit ku një vajzë e re ka mbetur e plagosur rëndë.
Burime për “Fjala.al” bëjnë me dije se një vajzë 20 vjeçe identiteti i të cilës nuk bëhet i ditur teksa ka qenë duke konsumuar një kafe në një prej lokaleve në Tiranë ka pësuar dëmtime të rënda në kokë teksa një degë peme është shkëputur duke i rënë mbi kokë.
Ngjarja ka ndodhur 150 m larg Njësisë Administrative Nr.5 në Tiranë pranë LSI-së, ndërsa trungu i pemës me peshë mbi 10 kg ra nga një lartësi mbi 15 metra mbi kokën e vajzës.
Menjëherë pas aksidentit e reja është dërguar me urgjencë drejt spitalit të Traumës, ku po merr ndihmën e nevojshme mjekësore, ndërsa raportohet nga bluzat e bardha se ndodhet jashtë rrezikut për jetën./Bl.Ba/Fjala.al
