I arrestuari si bashkëpunëtor i vrasjes së dy biznesmenëve në Laç, Ilir Xhepaj është një emër i dëgjuar edhe më parë për policinë.
Xhepaj ka pasur një të shkuar kriminale të spikatur pasi kishte vetëm tre muaj që kishte dalë nga burgu ku ishte dënuar për grabitje.
Gjatë muajit maj Ilir Xhepaj u përfshi në dy atentate. Fillimisht ai u përfshi në një tentativë për vrasje ndaj një biznesmeni dhe së fundmi në vrasjen e dy biznesmenëve Bujar Lika dhe Paulin Gjergji më 30 maj.
Arrestimi ndodhi vetëm 30 minuta pas mesnate në Astir, pasi policia dalloi automjetin e tij mes pallateve. Fillimisht Xhepaj u arrestua nga Forcat Operacionale dhe më pas iu dorëzua Policisë së Kurbinit.
Tashmë Xhepaj është i arrestuari i dytë pas Lamajt, nga grupi i 4 personave që natën e 30 majit kryen vrasjen e 2-fishtë në hotelin A&A në Laç./Fjala.al/Ke.Ba
