Aleksandër Meksi është ish-kryeministri i qeverisë së parë demokratike dhe një nga themeluesit e Partisë Demokratike. Ai qeverisi vendin duke filluar nga data 13 prill 1992 deri më 11 mars 1997.
I diplomuar për inxhinieri ndërtimi, Meksi duket se sot kur regjistrohen plot 60 vjet nga ajo ditë është bërë paksa nostalgjik.
Këtë datë historike për karrierën e tij profesori i inxhinierisë e ka kujtuar përmes një postimi në rrjetin e tij social Facebook të cilën e shoqëron me një foto nga rinia e tij.
“Si sot 60 vite më parë 30 qershor 1960 mbarova studimet e larta dhe u diplomova inxhinier ndërtimi në Degën e Ndërtimit të Fakultetit të Inxhinierisë të Universitetit të Tiranës”, shkruan Meksi/Bl.Ba/Fjala.al
