Pas finalizimit të operacionit të policisë italiane në bashkëpunim edhe me autoritetet shqiptare, ku në pranga përfunduan 37 persona, mes tyre edhe shqiptarë, të akuzuar si pjesë e një rrjeti të trafikut ndërkombëtar të drogës, ka reaguar ambasadori i Bashkimit Europian, Luiggi Soreca.
Përmes një postimi në Twitter, Soreca shprehet se lufta kundër krimit të organizuar është prioriteti i BE dhe Shqipërisë në rrugën e saj drejt Unionit.
“Operacion brilant kundër trafikut ndërkombëtar të drogës kryer nga prokuroria dhe policia italiane e SPAK-u dhe policia e shtetit shqiptar, me mbështetjen e organizatës europiane për trafikimin e drogave.
Lufta kundër krimit të organizuar është prioriteti i Bashkimit Europian dhe Shqipërisë në rrugën e saj drejt Unionit”, shkruan Soreca./Bl.Ba/Fjala.al
