Komisioni i Pavarur i Kualifikimit konfirmoi sot në detyrë gjyqtaren e Apelit të Tiranës, Valdete Hoxha.
Në seancën dëgjimore të mbajtur të hënë, KPK nuk identifikoi probleme për pasurinë dhe shpenzimet e shkollimit të fëmijëve në Kanada, ndërsa 33 denoncime nga publiku u konsideruan të pabazuara.
Hoxha iu nënshtrua të tre kritereve të rivlerësimit. Trupa gjykuese që kreu procesin e vetingut përbëhej nga Lulzim Hamitaj kryesues, Genta Tafa Bungo relatore dhe Valbona Sanxhaktari anëtare.
Valdete Hoxha e ka filluar karrierën në sistemin e drejtësisë në vitin 1992 dhe ka punuar si gjyqtare në Gjykatën e Apelit Shkodër dhe Gjykatën Ushtarake të Apelit Tiranë. Ajo punon si gjyqtare e Apelit të Tiranës që prej shkrirjes së gjykatës ushtarake në vitin 2009./Bl.Ba/Fjala.al
