Pas reparteve të ndryshme të QSUT-së, regjistrohet një tjetër rast me Covid-19 në spitale. Mësohet se sot ka rezultuar pozitiv një infermier te Trauma.
Stafi i spitalit të Traumës shprehen të shqetësuar për rastin e kolegut dhe kërkojnë kryerjen e tamponëve.
Kjo ka bërë që të rritet shqetësimi mes kolegëve të tij dhe ecurisë së punës.
Instituti i Shëndetit Publik pritet të kryejë tamponë për kolegët e infermierit të prekur, i cili aktualisht ndodhet i karantinuar në banesë.
Ndërkohë po kryhet hetimi epidemiologjik për të zbuluar se si e ka marrë infermieri virusin dhe se deri ku mund të ketë shkuar transmetimi.
Aktualisht në vendin tonë numri i viktimave ka shkuar në 65, ndërkohë që janë 999 persona aktivë me Covid-19.
Shpërndarja gjeografike e rasteve aktive sipas qarqeve: Tiranë 367; Durrës 201; Shkodër 150; Vlorë 110; Fier 47; Lezhë 42; Korçë 28; Kukës 19; Elbasan 16; Gjirokastër 7; Berat 6 dhe Dibër 6./Bl.Ba/Fjala.al
