Lajmi se aktori i humorit Florjan Binaj u infektua me koronavirus u përhap me shpejtësi.
Pas përfundimit të karantinës dy javore, Flori ka shkuar në plazh këtë fundjavë që lamë pas, pasi nga tamponi i dytë ka rezultuar negativ.
Pas publikimit të fotove nga deti, një komentues i shkroi, “Florjan për ty karantina nuk funksionon? Dole pozitiv dhe futja plazhit tani, shpërnda virusin”.
Ky koment e ka acaruar së tepërmi aktorin, i cili ia ka kthyer, “Mëso të numërosh dhe do të dalin ditët fiks! Dhe mëso të mos i kërkosh llogari të tjerëve.”
Po ashtu duke mos i dalë inati, ai ka publikuar në Instastory përgjigjen e testit të dytë ku shkruhej rezultati negativ, duke shkruar, “Për të gjithë ata që nuk iu dalin llogaritë e veta për jetën e të tjerëve.
Tani kushdo që do më pyes sërish në komente për të njëjtën temë, do i fshij komentin dhe ndoshta dhe block. Jetoni jetën tuaj, kërkojini llogari vetes, jo të tjerëve”./Blo.Ba/Fjala.al
