Ekonomistja kryesore e Fondit Monetar Ndërkombëtar, Gita Gopinath, i bëri thirrje qeverive që të mbështesin kompanitë nëpërmjet ndihmës kapitale dhe jo nëpërmjet kredive, ndërkohë që pandemia shkakton dëme afat-gjata tek bilancet.
Ajo tha se përmasa gjigante e goditjes nga koronavirusi do të bëjë që më shumë firma të kenë vështirësi në likuiditet, ndërsa përballen me të ardhura të ulëta për muaj me radhë. Mbështetja e qeverive në formën e kredisë do t’i zbrazë këtyre kompanive sasi gjigante të borxhit, duke e bërë të vështirë për ato që të dalin nga kriza. “Ndërkohë që ka një problem të madh me likuiditetin, mbështetja e qeverive duhet të jetë në qasjen kapitale e jo të borxhit.
Përndryshe, shumë firma do të dalin nga kriza me nivele gjigante të borxhit”, tha ajo. Gopinath nuk detajoi se si do të funksionojë një mbështetje financiare e tillë. Gjatë krizës së brendshme bankare në fund të viteve 90’, Japonia injektoi kapital tek firmat nëpërmjet skemave ku organet e lidhura me shtetin blenë aksione të preferuara që emetuan këto firma.
Në lidhje me rimëkëmbjen ekonomike botërore, ajo tha se do të jetë e pabarabartë dhe e pasiguritë, duke i bërë thirrje vendeve që të akordojnë stimuj të mëdhenj fiskalë dhe monetarë. FMN e vlerëson recesionin si më të keqin që prej Depresionit të Madh në vitet 30’.
Bo.Ba/fjala.al
