Intervista e Auron Tares në emisionin “Hard Talk nga Roland Qafoku” në grupin mediatik “Fjala” ka shkaktuar reagime në rrjetet sociale.
Mbi dyshimet e njerëze për vërtetësinë e firmës së Martin Camajt kur kishte firmosur për të qenë bashkëpunëtor i sigurimit të shtetit, Auron Tare iu përgjigj se firma ndryshon me kalimin e kohës.
Ndërkohë, Çezar Ndreu, një person që është rritur në kampet e përqendrimit në kohën e komunizmit dhe tani jeton në Amerikë, argumenton duke iu referuar deklaratave të Tares në emision se firma e Camajt nuk mund mund të ishte më e sofistikuar kur ishte 24 vjeç sesa kur ishte profesor.
“Na rezulton se firma e 1948 na qenka një firme e hedhur ne moshën 24 vjeçe dhe qenka më e sofistikuar dhe më cilësore , at kohe 24 vjec Camaj nuk ishte njeri i letrave dhe me graden profesor”, shkruan Çezar Ndreu.
Studiuesi Auron Tare pak ditë më parë publikoi një shkrim i cili shkaktoi shumë debat, për dy figurat e shquara të letërsisë shqiptare Ernest Koliqi dhe Martin Camaj.
Tare në shkrimin e tij, pretendoi se dy shkrimtarët Ernest Koliqi dhe Martin Camaj, kishin qenë bashkëpunëtorë të shërbimeve të huaja të inteligjencës.
Ky konstatim i studiuesit, ndezi polemikat ndaj këtyre dy figurave. Sipas tij këto të dhëna ishin marrë nga dosjet përkatëse të tyre të cilat ai i dispononte.
