Ish-anëtari i Gjykatës së Strasburgut, Ledi Bianku ka reaguar pas ndryshimeve Kushtetuese që janë propozuar nga 29 deputetët e opozitës parlamentare të cilat dhe të mbështetura nga kryeministri Edi Rama dhe qeveria e tij.
Reagimi i Biankut lidhet me pragun elektoral, që u kërkua nga opozita të ishte 2%, nga 3% që është aktualisht. Fillimisht kërkesa e opozitës ishte të rritej në 5%, por një përfaqësues i tyre tha se rritja e pragut dhe ndalimi i koalicioneve ngushtonte hendekun.
Me anë të një postimi në rrjetin social Bianku sjell një vendim të Gjykatës së Strasburgut, ku thuhet se pragu elektoral nuk mund të ndryshohet, nëse nuk lejohen koalicionet dhe nëse vendi nuk ka një gjykatë funksionale kushtetuese.
Postimi i plotë
“Për kujtesë Këshillit Politik, etj – në Yumak dhe Sadak k. Turqisë, 2008, Gjykata e Strasburgut u shpreh se pragu elektoral mund të pranohet, por kur ka sisteme korigjuese, të tilla si koalicionet zgjedhore dhe kur ka garanci institucionale dhe procedurale – Gjykata Kushtetuese!!!”
Bo.Ba/fjala.al
