Një ngjarje e rëndë nga ndodhur ditën e djeshme në Kosovë, ku një parashutist 27-vjeçar ka humbur jetën si pasojë e përplasjes.
Policia e Kosovës ka njoftuar se dy parashutistë janë përplasur me njëri-tjetrin në momentin e uljes dhe si pasojë e dëmeve të shumta ka humbur jetën 27-vjeçari me iniciale F.G.
Mësohet se përplasja nga ndodhur me një tjetër parashutiste të moshës 23-vjeçare me po të njejtat iniciale F.G.
Vajza ka pësuar lëndime por është jashtë rrezikut për jetën.
Aksidenti ka ndodhur ditën e djeshme rreth orës 13:45 në fshatin Korish të Prizërenit.
Në njoftimin e policisë thuhet se Ekipet kujdestare të Komisionit për Hetimin e Aksidenteve dhe Incidenteve Aeronautike (KHAIA) kanë dalë në vendin e ngjarjes bashkërisht me njësitë rajonale të Policisë së Kosovës në Prizren dhe kanë ekzaminuar provat në terren.
“KHAIA do të hap hetime për këtë rast dhe Raporti përfundimtar i cili do të përfshijë rekomandimet do t’i dërgohet Qeverisë dhe Kuvendit të Republikës së Kosovës”. /Ra.My.Fjala.al/
