Ministri në Detyrë për Punët e Jashtme, Gent Cakaj ka propozuar tek presidenti Meta për ambasadore në Athinë, është Luela Hajdaraga, vajza e ish-ministrit socialist të Mbrojtjes Luan Hajdaraga i cili u nda nga jeta pas një sëmundje të rëndë.
Ndërkohë një javë më parë shkarkoi ambasadoren shqiptare në Greqi, Ardiana Hobdari.
Por ish-ministri i Jashtëm Ditmir Bushati është kundër këtij propozimi pasi sipas tij, nuk jemi në kushtet e ligjshmërisë.
“Nga viti 1923 kemi patur diplomatë të spikatur, duhet eksperiencë 12 vje֛are që të bëhesh diplomat. Pse u ndryshuar praktika 100 vjeçare? Duhet te kemi arsyetim si komision pse po bëjmë ndryshim, prisja nga sekretari i përgjithshëm reagim për nëpërkëmbjen që po i bëhet diplomatëve në media”, tha Bushati në seancën dëgjimore të Komisionit të Jashtëm.
“Duhet të mbështesim brezin e ri me energji të reja si Luela por është e rëndësishme që procesi të jetë i shtrirë në traditën 100 vjeçare ose të ndryshojmë traditën, të ndryshojmë dhe ligjin dhe të jemi të qetë në ndërgjegjen tonë”, përmbylli ish-ministri.
la.mi/Fjala.al
