Deputeti Damian Gjiknuri dhe deputetja Vasilika Hysi janë përfshirë në një debat në mbledhjen e radhës së Komisionit të Ligjeve për kuotat gjinore.
Gjiknuri u shpreh se kjo nuk duhet përfshirë pasi është e vështirë të gjenden gra. Por kundër tij ishte Hysi e cila ka replikuar duke thënë se janë më shumë gra ato që e kanë kaluar vettingun.
Sakaq kreu i Komisionit të Ligjeve Ulsi Manja, i cili është shprehur se duhet të flasin për çështje të teknikës legjislative
Bisedë gjatë Komisionit
Gjiknuri: Le të rrimë te administrata zgjedhore dhe subjekti, mbase këtë term (gjykate) duhet ta heqim fare. Respektim të parimit për administratën zgjedhore në të gjitha komisionit. Për mendimin tim nuk duhet ta përfshijmë këtë për momentin, se është vështirë të gjejmë gra.
Gumi: Zbatimi i detyrimit të përfaqësimit gjinor sipas dispozitave konkrete.
Hysi: Studimi i Gjiknurit nuk qëndron. Në një studim rezulton se kanë kaluar më shumë vetingun gratë se sa burrat. Përqindja është me e lartë të gratë. Se dimë a do gjejmë burra…
Manja: Zonja Hysi jemi në një çështje të teknikës legjislative…
Hysi: Jo jo ne jemi anëtarë dhe duhet të flasim… Në këtë ligj thuhet se në të gjitha organet vendore dhe të pavarura duhet të ketë minimumi 30% të një gjinie. Uroj që edhe në Kolegjin Zgjedhor të kemi 30% të secilës gjini.
Manja: Secili ka të drejtën të diskutojë pafund por çështjet e barazisë gjinore janë çështje të tejkaluara. Dakordësuam që në fillim të mbledhjes që ndërhyrjet do të jetë të karakterit legjislativ. Në pikën 2 të nenit do të duhet të qëndrojë fjala Gjykatë.
Bo.Ba/fjala.al
