Magjia e gurëve të Rugovës/Ç’donte tu thoshte ndërkombëtarëve ish presidenti

113 563 lexime

124,178FansaPëlqeje

Pubilicisti i njohur kosovar, Xhemal Ahmeti ka shpërndarë në rrjetin e tij social ‘Facebook’ një këndvështrim interesant lidhur me “zakonin” që kishte ish presidenti Ibrahim Rugova  kur takonte personalitete të ndryshme nga e gjithë bota.

Rugova i dhuronte çdo personaliteti që takonte, një gur mineralik të madhësive të ndryshme.

Por ç’donte të tregonte ish presidenti me këtë veprim?

“Kur të na zhdukin krejtë dhe ti donë të na përkujtosh e mendosh se ishim njëherë shikoje këtë gur të tokës së djegur kosovare“? Me siguri jo në stilin: „a zhduket ky gurr poaq mund të na zhdukin ne“ apo „na pushtoni se jemi të pasur“ shkruan Xhemali në statusin e tij duke bërë kështu një interpretim

“Magjia e gurëve të Rugovës dhe mungesa e shkronjave” kështu shkuan në statusin e tij publicisti i njohur kosovar duke lënë të kuptojë që mesazhi i fortë që përcillte rugova tek të huajt nuk kishte nevojë për fjalë.

Statusi i plotë i Xhemal Ahmetit

Magjia e gurëve të Rugovës dhe mungesa e shkronjave
____________________

Ç‘donte ish presidenti Ibrahim Rugova me atë gurin mineralik (të madhësive të ndryshme) që ia dhuronte çdo personaliteti global që takonte? Çka u thoshte? „Kur të na zhdukin krejtë dhe ti donë të na përkujtosh e mendosh se ishim njëherë shikoje këtë gur të tokës së djegur kosovare“? Me siguri jo në stilin: „a zhduket ky gurr poaq mund të na zhdukin ne“ apo „na pushtoni se jemi të pasur“. Një politikan i njohur gjerman, gjatë një vizite në zyrën e tij para bombardimit të NATO-s, e para gjë që na tregoi kur hymë aty ishte një gurr i tillë. Me plotë krenari morri gurrin në duar dhe: „Këtë gurr ma ka dhuruar Rugova“ dhe nuk ia hoqi sytë, i përhumbur në të për disa sekonda. Pastaj na tregoi se mendoi në fjalët e liderit kosovar gjatë dhurimit, deri sa shikonte mineralin.
Ai libri serb në praninë e atij funksionarit të BE-së, që mëton të mashtrojë për mbrojtjen e Europës nga invadimi islam (Serbia ka qenë më e privilegjuara nga osmanët nga fillimi e deri në fund) tërboi opinionistët dhe politikanët shqiptarë. Si duket ata nuk u tërbuan me librin e autorëve serb, por më shumë nga inati se vetë s‘kanë ç‘të dhurojnë: as gurr as libër për historinë e tyre, e cila është shumë më prekëse dhe shumë më bindëse se çdo rrëfim serb. Pse nuk kanë? Apo kanë dhe nuk i përkthejnë nga inatet ideologjike, personale? Serbët bëjnë çmos që ta rimashtrojnë botën për t‘i mbuluar krimet e tyre të agresorit. Do të bënim edhe ne po të ishim në vendin e tyre? Jo. Shqiptarët nuk e bëjnë as atëherë kur s‘dinë se ku i kanë kufomat e lere më në kushte tjera. Paaftësia nuk asryetohet duke sulmuar tjetrin pse është i aftë – qoftë edhe i natyrës mashtruese dhe diabolike.
Pasi shqiptarët janë siç janë le të vazhdonin së paku traditën e atij gurit që ua la Rugova, ngase magjia dhe pesha e tij bëri aq shumë elita të botës për vete. Ishte një gur që kishte efektin më të madh se gjitha librat e botuara në shqipe që nga viti 1945 e deri sot. /Ra.My.Fjala.al/

Lexo edhe :  “I sigurt se marr 12 mandate!”/ Meta zbulon si po e bën fushatën: Dërgoj letra nga qelia

Të fundit

Emigranti nga Suedia ankohet: Vota ime në Shqipëri nuk është e fshehtë!

Një emigrant shqiptar që jeton në Suedi ka ngritur shqetësime serioze mbi procesin e votimit në Shqipëri, duke e...

“Nuk bëhet kryeministër dhe shton serbofobinë”, Lista Serbe akuzon Kurtin për provokim

Lista Serbe ka reaguar për hapjen e zyrave postare në Leposaviç dhe Zveçan, duke akuzuar kryeministrin në detyrë Kurti, për provokim dhe tentativë për...

“Askush nuk më ndalon dot”, intervista e rrallë e Donald Trump: Kisha shumë të korruptuar

Presidenti Donald Trump pranoi të jepte një intervistë me “The Atlantic”, kryeredaktori i së cilës, Jeffrey Goldberg, u përfshi pa dashje në një bisedë...

Futboll shqiptar, Pogradeci mund Besën dhe siguron finalen e “play-out”-it ndaj Tiranës

Pogradeci ka siguruar finalen e “play-out”-it ndaj Tiranës për një vend në “Abissnet Superiore”, pasi mposhti Besën në finalen e “play-off”-it të Kategorisë së...

“Vota për mua jua kthen lekët te xhepi”, Basha në njësinë 10: Kthejmë shpresën

Drejtuesi Politik i Koalicionit Euroatlantik, Lulzim Basha, i shoqëruar nga kandidatët për deputetë Neli Demi, Diana Toma, Irsida Shehi, ka zhvilluar takime me qytetarë...

Lajme të tjera

Web TV