La Casa de Papel (Money Heist), seriali spanjoll që u shfaq për herë të parë në 2017-ën, arriti të fitojë vëmendjen e Netflix dhe miliona shikuesve kudo nëpër botë.
U përfol shumë se pas përfundimit të sezonit të 4, sezoni i radhës do të vinte më i fuqishëm se kurrë më parë.
La Casa De Papel më në fund po rikthehet edhe pse aktorja Itziar Ituno (inspektorja Raquel) ishte infektuar me Covid-19. Ajo mesa duket e ka marrë veten dhe se grupi ia doli t’i bëjë ballë gjithë sfidave.
Prej 3 ditësh, Vancouver Media paralajmëroi disi rikthimin e kastit në xhirime, përmes disa postimeve të bëra në rrjete sociale, por asgjë nuk ishte konkrete. Ndërkohë, ditën e sotme, personazhi kryesor i serialit, Sergio (Profesori), që luhet nga aktori Alvaro Morte, njofton përmes një postimi në Instagram se: “Profesori u kthye” dhe fotoja duket se është bërë në një nga skenat e xhirimeve të serialit./Sa.Ka/Fjala.al
