Kuvendi i Shqipërisë po përballet me një intensitet të lartë punimesh këtë fund sezoni.
Seanca e sotme pritet të ketë një vëmendje të madhe, pasi pritet që të miratohen ndryshimet në Kodin Zgjedhor sipas marrëveshjes që u arrit në Këshillin Politik mes maxhorancës dhe opozitës së bashkuar.
Një pakt i firmosur në ambasadën amerikane më 5 qershor do të votohet sot, në formën e ndryshimeve në kodin zgjedhor, por zbatimi i saj është në rrezik.
Ndryshimet kushtetuese që pritet të bëhen 1 javë më vonë, rrëzojnë këtë marrëveshje në pikën ku u dhemb të gjithëve; listat e hapura, rrjedhimisht ndalimi i koalicioneve parazgjedhore.
Gjithashtu, në këtë seancë të sotme pritet që të dorëzohet raporti i Komisionit Hetimor për Presidentin, ku siç u miratua në Komision, nuk do të kërkohet shkarkimi i Metës.
Përveç kësaj, në Kuvend pritet të miratohet edhe dekreti i Presidentit Meta për kthimin e ligjit “Për organizimin dhe funksionimin e Gjykatës Kushtetuese, të ndryshuar”. Ka.Li/fjala.al
