Mëngjesin e sotëm, Stefanos Chios, botuesi dhe publicist grek është qëlluar me armë zjarri në hyrje të shtëpisë së tij.
Sipas mediave greke, Chios është qëlluar në momentin kur po kthehej në shtëpi në orët e para të mëngjesit kur persona të paidentifikuar i kanë zënë pritë dhe e kanë qëlluar me armë zjarri.
Gazetari është qëlluar me një plumb në qafë dhe një në brinjë. Gjendja e tij shëndetësore paraqitet e qëndrueshme por serioze.
Ai u shpëtoi plumbave vetëm falë bllokimit të armës së një prej autorëve, ndërsa tjetri u shpërqëndrua nga zëri i gruas së gazetarit, e cila doli nga shtëpia për të parë ç’po ndodhte.
Autorët e krimit arritën që të largoheshin nga vendngjarja dhe janë shpallur në kërkim edhe pse deri tani nuk ka asnjë të ndaluar. Hetimet për atentatin ndaj gazetarit po kryhen nga Departamenti i Krimeve Kundër Jetës në Policinë e Atikës.Ka.Li/fjala.al
