Deputetja e Partisë Socialiste, Blerina Gjylameti ka bërë thirrje për respektimin e masave të Covid-19. Me anë të një postimi në rrjete sociale, deputetja është shprehur se tashmë rregullat e jetesës kanë ndryshuar dhe të gjithë duhet të tregojnë vullnet për të zbatuar rregullat e reja të kësaj jetese të re.
Postimi i plotë:
MBAJ MAKSKËN MBRO VETEN DHE TË TJERËT
Gjithçka varet nga ne, nga kujdesi ynë qytetar, sesa e mbajmë maskën, sa i mbajmë dorezat, sa i lajmë duart dhe se sa e ruajmë distancën sociale. Të gjithë kemi punë të përditshme me njerëz të zakonshëm, miq, kolegë dhe mbi të gjitha të afërm dhe ky mendim duhet të jetë kryefjalë për të patur vëmendjen për tu ruajtur nga virusi COVID-19.
Rregullat e jetesës duam apo s’duam ne, sot kanë ndryshuar dhe ndaj vullneti ynë për të kuptuar dhe për të zbatuar rregullat e reja të kësaj jetese të re, është shumë i rëndësishëm.
Le të bëjmë të gjithë një thirrje personale, dikush në rrjetet sociale, dikush me një mesazh, dikush nga distanca tu thotë miqve të ruhen, le të jetë një thirrje e përditshme dhe monotone. Vetëm ne mund ta ndalojmë virusin dhe mund ta mbrojmë me shumë veten dhe të tjerët.
Ngushëllime familjarëve të atyre që e kanë humbur betejën për jetën !
Shërim sa më të shpejtë të prekurve ?
