Deputetja e opozitës parlamentare Rudina Hajdari, nga foltorja e Kuvendit, tha se ndjehej shumë krenare për kauzën e ndërmarrë. Hajdari deklaroi se ‘arma’ që kemi në dorë sot, u heq fuqinë kryetarëve dhe ua jep shqiptarëve.
“Kur kohë më parë në këtë sallë u artikulua ndryshimi i mënyrës sesi zgjidhen deputetët, shumë pak njerëz na përkrahën, shumë prej jush ishin skeptik, disa me të drejtë e disa se nuk e kuptonin çfarë rëndësie kishte hapja e listave. Jam shumë krenare për këtë kauzë, sepse nga një çështje për të cilët shqiptarët nuk ishin të informuar, së bashku me disa kolegë arritëm ta kthenim në një nga çështjet më të përkrahura.
Këtë fitore dua t’ua dedikoj qytetarëve shqiptarë. I treguan politikës shqiptare, që nëpërmjet sondazheve ata e mbështesin këtë ndryshim.
Me këtë votim, më këtë fitore që po korrim sot, ne kemi në dorë ta administrojmë me pjekuri dhe urtësi. Kjo armë që kemi në dorë sot, u heqim fuqinë kryetarëve dhe ua japim shqiptarëve”, tha Hajdari. Ka.Li/fjala.al
https://www.youtube.com/watch?v=z7akmlT0cPU&feature=youtu.be
