Aksident me pasojë një person të vdekur dhe dy të plagosur është regjistruar mesditën e sotme në aksin rrugor Elbasan- Peqin.
Mësohet se në aksident, ka humbur jetën 55-vjeçari Agim Neziri si dhe janë plagosur dy të tjerë.
Aksidenti u shënua në aksin rrugor Elbasan- Peqin, ku mjeti tip “Suzuki” me drejtues shtetasin H.R., 67 vjeç, banues në Elbasan, u përplas me mjetin tip “Benz” me drejtues shtetasin M.K., 38 vjeç, banues në Maqedoninë e Veriut.
Si pasojë e aksidentit gjeti vdekjen Agim Neziri, rreth 55 vjeç, banues në Tiranë, i cili ishte pasagjer në mjetin tip “Suzuki”.
Gjithashtu janë plagosur lehtë të dy drejtuesit e mjeteve. Grupi hetimor ndodhet në vendngjarje dhe po punon për zbardhjen e shkakut të aksidentit./Bl.Ba/Fjala.al
