Vijon të jetë aktive vatra e zjarrit në malin e Koshnicës në Gramsh. Zjarri ndodhet pranë fshatit Siman të Gramshit, i cili u shfaq qysh dje. Nga flakët janë shkrumbuar pisha dhe një numër i madh pemësh.
Terreni i vështirë malor ka pamundësuar ndërhyrjen e forcave zjarrfikëse, ndërsa punonjësit e saj kanë ndërhyrë për të bërë të mundur shuarjen e zjarrit me mjete rrethanore.
Është ende i paqartë shkaku që ka sjellë flakët në këtë zonë, ndërkohë që ato kanë qenë të favorizuara edhe nga temperaturat e larta.
Sot situata paraqitet edhe më serioze. Zjarri është ende i pranishëm ndërsa drejtues të zjarrfikëses nuk dinë të thonë me siguri sa është sipërfaqja e djegur, por pohojnë se është e konsiderueshme.
Ndërkohë një zjarr i përmasave të frikshme ka përfshirë edhe kodrat në fshatin Hormovë në Gjirokastër.
Era ka favorizuar përhapjen e tij drejt fshatit Horrmovë. Në vendngjarja ka shkuar reparti zjarrfikës i cili për përpiqet të neutralizojë flakët.
Por terreni malor e ka bërë të pamundur ndërhyrjen me automjete. Ata po përpiqen me anë të mjeteve rrethanorë të izolojnë fjalët që të mos rrezikohet zona e banuar./Bl.Ba/Fjala.al
