Një ngjarje e pa zakontë ka ndodhur në Spanjë. Kemi dëgjuar shpesh te vidhen makina apo motorë, por shumë rrallë të vidhen helikopterë. Një natë më parë në regjimentin e Cuencës ku ishin stacionuar dy helikopterë zjarrfikës, njeri prej tyre ngrihet në ajër pa urdhër e zhduket pa lënë gjurmë. Nuk kishte asnjë alarm për zjarr dhe nga komanda nuk ishte dhënë asnjë urdhër për ngritjen e helikopterit. Ishte e thjeshte helikopteri ishte vjedhur.
Bëhet fjalë për helikopterin e tipit “Bell 412” i cili i përkiste Brigadës për shuarjen e zjarreve dhe Ruajtjen e Pyjeve. Vjedhja e helikopterit ka ndodhur mes orës 02:00-03:00 e mëngjesit. Hajdutët ishin pilote profesionist, por harruan një detaj të vogël, helikopteri kishte sistem gjurmimi. Para se ta ngrinin në ajër hajdutet janë kujdesur që ti hiqnin kovën e madhe që përdorej për të mbajtur ujë, për të shuar zjarret.
Policia spanjolle e gjeti helikopterin 350 kilometra larg bazës nga ku u nis. Helikopteri u gjet në mes të një zone të pyllëzuar i mbuluar me plasmas të zi dhe kashtë që të mos shihej nga lartë. Policia Spanjolle dyshon se helikopteri mund të jetë përdorur për të transportuar drogë. Burimi: Lavanguardi, përshtati: Fjala.al
la.mi/Fjala.al
