Kryebashkiaku i Lezhës Pjerin Ndreu ka lajmëruar shërimin nga koronavirusi të dy zv. kryetarëve të tij.
Përmes një postimi në rrjetet sociale, Ndreu u ka uruar shëndet të plotë ndërkohë që tha se ka qenë në kontakt për konsulta pune, pasi ata kanë punuar nga shtëpia.
Ai tha se ka pasur edhe nga ata që kanë bërë statuse pa pikë turpi në lidhje me të infektuarit me Covid-19.
“Oliana dhe Ermali, dy Zv. Kryetarët e Bashkisë Lezhë, kanë kaluar me sukses Covid-19. Duke ju uruar shëndet të plotë, i komplimentoj për korrektesën e treguar duke u izoluar dhe kryer një karantinë serioze.
Sakrifica që ata bënë është pjesë e seriozitetit që ne kemi si staf, duke vlerësuar situatën për mos infektimin e familjeve dhe kolegëve. Megjithëse çdo ditë kemi qenë në kontakt për konsulta pune, dhe ata vetë nuk kanë reshtur së punuari nga shtëpia duke ndihmuar në zgjidhjen e problematikave.
Por pati dhe ndonjë që me helmin në gjak, bëri statuse pa pikë turpi. Por ne ja dalim gjithmonë, ashtu si Oliana dhe Ermali, dhe kushdo tjetër që do infektohet nga Covid. Urime e mbarësi për të dy. Mezi presim të rikthehen në punë për të ecur më shpejt në punët e përditeshme”, shkruan Pjerin Ndreu./Bl.Ba/Fjala.al
