Mëngjesin e sotëm ka ndërruar jetë skulptori i njohur Arben Bajo, i cili ishte infektuar me Covid.
Ai ndodhej në gjendje të rëndë dhe i intubuar te spitali Infektiv, ndërsa dje miqtë e tij bënë apel se 53 vjeçari ka nevojë urgjente për gjak A-NEGATIV nga një person që ka kaluar koronavirusin.
Lidhur me këtë lajm kanë reaguar miq e figura të njohura të artit e politikës. Një ndër ta është edhe deputeti Fate Velaj, i cili në postimin e tij shkruan se askush nuk e ndihmoi dot.
“ARBEN BAJO nuk është më. Unë nuk e ndihmova dot. As ti. As ai dhe ajo. As shteti. As Vace Zela. Bronxi i saj. Kitara.As Sebastian Vaca tek “Vdekja e një artisti” në dekadencën e një shoqërie “elitare” dhe të paskrupull, e përdorur për të imponuar këndvështrimin e saj, tekat e saj. R. I. P. Kohës Tonë. R. I. P. Bronxit”
Po në rrjetin social ka shkruar edhe kryetari i Bashkisë Erion Veliaj dhe Ministrja e Kulturës Elva Margariti.
Ndërsa kujtojnë punën e vyer të skulptorit shprehin se kujtimi dhe vepra e mjeshtrit të skulpturës do të jetë gjithmonë mes nesh.
Postimi i plotë Erion Veliaj
Postimi i plotë Elvi Margariti
“Me shumë gjasë në studio të ka mbetur një punë e papërfunduar. Ishe në kulmin e krijimtarisë tënde dhe është e pabesueshme, që nuk do të kthehesh më aty…Një ditë kaq e trishtë sot!Kemi një artist më pak..Arben Bajo, ky mjeshtër i skulpturës, i mprehtë, zbërthyes karakteresh…. u nda prej nesh.A mundet të të themi lamtumirë kaq herët!?U prehsh në paqe!Kujtimi dhe vepra jote do të jetë gjithnjë mes nesh!”
Bo.ba/fjala.al
