Ekonomisti i njohur Dritan Shano shkruan sot se është budallallëk të mendosh se shteti që dominon ekonominë nuk do të jetë shtet autokratik sa i përket politikës, medias, fjalës së lirë, mendimit dhe veprimit ndryshe.
Përmes një statusi në rrjetin social “Facebook”, Shano në aparencë janë shtetet ato që po “mbajnë me bukë” shumicën e njerëzve. Gjithashtu Sano shkruan se censura ndaj fjalës së lirë dhe mendimit ndryshe është evidente në media, në platformat sociale por edhe në në luftën që po zhvillohet në rrugët e Amerikës sipas parimit totalitar “Ai që kontrollon të shkuarën, kontrollon të ardhmen: ai që kontrollon të tashmen kontrollon të shkuarën”.
“Lutem që njerëzit në shtetet e fuqishme të ngrihen rrugëve kundra diktaturave që synojnë prangosjen e jetës të secilit prej nesh “për të mirën tonë”!”, përfundon komenti i Shanos.
Postimi i plotë i Dritan Shanos
Është budallallëk të mendosh se shteti që dominon ekonominë nuk do të jetë shtet autokratik sa i përket politikës, medias, fjalës së lirë, mendimit dhe veprimit ndryshe.
Izolimi prej Covid-19 anembanë botës i ka varfëruar, dobësuar dhe pamundësuar njerëzit, bizneset dhe i ka vendosur shtetet në pozita dominuese në treg.
Në 6 muajt e fundit, në aparencë janë shtetet ato që po “mbajnë me bukë” shumicën e njerëzve. Çensura ndaj fjalës së lirë dhe mendimit ndryshe është evidente në media, në platformat sociale por edhe në në luftën që po zhillohet në rrugët e Amerikës sipas parimit totalitar “Ai që kontrollon të shkuarën, kontrollon të ardhmen: ai që kontrollon të tashmen kontrollon të shkuarën”.
Faza tjetër është bindja e verbër ndaj urdhërave të paketuara si garanci dhe siguri për jetën, barazi dhe ambientalizëm. Lutem që njerëzit në shtetet e fuqishme të ngrihen rrugëve kundra diktaturave që synojnë prangosjen e jetës të secilit prej nesh “për të mirën tonë”!
la.mi/Fjala.al
