Largimi i tij nga Tirana natyrisht qe u krijoi iluzionin tek shumë skuadra për ta bërë pjesë të tyren. Por nuk do të ndodhë kështu.
Fantazisti shkodran Edon Hasani është shfaqur i qeshur dhe i lumtur teksa hedh firmën mbi kontratën që e bën futbollistin më të ri të skuadrës turke Ankara Keciorengucu.
Ish numri 10 i bardhebluve ka gjetur menjëherë skuadrën e tij të re, me klubin turk që ka përfituar të marrë shërbimet e një lojtari me eksperiencë, klas dhe karakter sportiv, duke përfituar nga situata e Edon Hasanit si lojtar i lirë.
Mesfushori shkodran ka firmosur një kontratë 2-vjeçare me opsion rinovimi edhe për një sezon.
Klubi i Ligës së Parë turke, që e përfundoi sezonin që sapo u mbyll në vendin e tetë, është destinacioni i ri i mesfushorit shkodran që vetëm pak ditë më parë i dha lamtumirën Tiranës.
28-vjeçari u kërkua edhe nga Vllaznia, por ofertë nga Turqia ishte e pa refuzueshme. Për rrjedhojë shkodranet apo dhe ndonjë ekip tjetër që ka dashur ta ketë në radhët e tij, tashmë duhet të mendojnë për zgjidhje të tjera./Ar.Ha/Fjala.al
