Një ngjarje e rëndë ka ndodhur mëngjesin e sotëm te “Shefqet Ndroqi”, ku një 29 vjeçar i infektuar me Covid është hedhur nga kati i tretë i spitalit dhe ka ndërruar jetë në vend.
Viktima është identifikuar si Xhino Koça. I riu që tronditi sot kryeqytetin dhe të afërmit, është djali i një familjeje të njohur intelektualësh në Durrës, ku nëna e tij Lira është stiliste kurse babai i tij, Leonard Koça është kreu i Njësisë Administrative.
I riu ndodhej në spital prej 7 ditësh dhe ishte drejt shërimit. 29-vjeçari u hodh nga kati i tretë i spitalit në orën 04:30.
Ngjarja ka ndodhur sa hap e mbyll sytë, në orët e para të mëngjesit. Infermierja ka shkuar në dhomën e tij për t’i bërë injeksionin, por është larguar për të marrë një tjetër medikament që s’e kishte me vete.
Në atë moment i riu është ngritur nga krevati dhe është hedhur nga dritarja. Kur infermierja është kthyer, ajo s’e ka gjetur pacientin në dhomë.
la.mi/Fjala.al
