Prej 5 ditësh në pikën kufitare Kakavijë vijon një situatë kaotike torturuese për qytetarët të cilët presin në radhë për të kaluar në shtetin fqinj.
Por, pala greke dje lajmëroi se do të vijojë punën edhe gjatë natës, për shkak të rradhës së gjatë me qytetarë që është krijuar.
Kësisoj nga ora 00:00 e natës deri në 06:00 të mëngjesit, kanë kaluar 700 qytetarë dhe 300 makina.
Radha tanimë vazhdon deri në fshatin Zervat, por puna gjatë natës ka ndihmuar në kalimin e shumë qytetarëve që kanë pritur me net të të tëra jashtë për të kaluar.
Fatkeqësisht për të gjithë ata që nuk kanë mundur të kalojnë dot deri në orën 06:00, do t’i duhet të qëndrojnë në karantinë të detyrueshme për 1 javë. Një masë të cilën mijëra emigrantë tentuan ta evitonin, duke pritur me orët të tëra në radhë, por për ata që nuk ia dolën do t’u duhet të vuajnë dyfish./Ar.Ha/Fjala.al
