Pasi i eliminoi dikur si portier, nigeriani i eliminoi gjeorgjianët edhe të mërkurën si trajner. Është një njeri shumë besimtar dhe vetë Emanuel Egbo e kishte pohuar se, fakti që kishte qenë ai njeriu që e kishte eliminuar para 16-17 vjetësh Dinamon e Tbilisit, duke pritur dy goditje nga pika e bardhë e 11-metërshave në takimin e kthimit, të luajtur në kryeqytetin, ishte një ogur i mirë për Tiranën e tij në përballjen e së mërkurës me të njëjtin kundërshtar.
Madje, që në momentin që goglat e shortit e vendosën skuadrën e tij përballë kampiones të tyre, tifozët gjeorgjianë kishin nxitur të nxirrnin në pah faktin se kishte që kishte qenë pikërisht gardiani nigerian i portës shqiptare që i kishte eliminuar asokohe, teksa Dinamo pati fituar takimin e parë 3-0 në fushën e vet, por ishte mundur me të njëjtat shifra në Tiranë dhe gjithçka ishte vendosur nga lotaria e 11-metërshave.
Dhe, në atë që duket të ketë qenë një paracaktim hyjnor, Emanuel Egbo është rikthyer sërish për t’u bërë makthi i Dinamos së Tbilisit, sepse skuadra e tij, të cilët tanimë ai e drejton nga stoli, e jo më nga porta, është treguar cinike në kryeqytetin gjeorgjian, në atë që ishte një shans i vetëm, duke e rrëmbyer atë dhe duke kaluar kështu, për herë të 12-të një tur në Ligën e Kampioneve.
Tanimë, stacioni i radhës është kryeqyteti shqiptar, koha është java e fundit të gushtit dhe pengesa e radhës është kampionia e Serbisë, Cërvena Zvezda.
- La.Mi/Fjala.al