Shtetet e Bashkuara të Amerikës mbështesin propozimin e kryeministrit të Shqipërisë Edi Rama, i cili në cilësinë e kreut të OSBE-së kërkoi ndërmjetësimin e krizës në Bjellorusi. Sekretari amerikan i Shtetit, Mike Pompeo në një deklaratë i kërkon Minskut që të pranojë ofertën e OSBE-së për dialog.
“Ne i kërkojmë qeverisë së Bjellorusisë të pranojë ofertën e kryesisë së OSBE-së për të lehtësuar dialogun dhe të angazhojë të gjithë palët e interesuara. Ne mbështesim përpjekjet ndërkombëtare për të parë në mënyrë të pavarur parregullsitë elektorale të Bjellorusisë, abuzimet e të drejtave të njeriut rreth zgjedhjeve dhe goditjet që kanë pasuar” shkruan ai.
