Aktori, producenti dhe regjisori me nënshtetësi amerikane dhe italiane por me gjakun shqiptar që i rrjedh në vena, feston sot 77- vjetorin e lindjes. Ai është veçanërisht i njohur për bashkëpunimet e tij me kineastin Martin Scorsese. De Niro numëron çmime të ndryshme, duke përfshirë edheatë të Globit të Artë. Madje në vitin 2016, ai mori një Medalje Presidenciale të Lirisë nga Presidenti amerikan Barack Obama.
Robert De Niro mbetet njëri prej aktorëve më të mëdhenj të të gjitha kohërve.
Ai, për të qenë sa më I përkryer në rolet që i besoheshin, fillimisht e sfidonte veten me po të njejtin rol në jetën e përditshme, e pastaj në film.
Para se De Niro të xhironte filmin “GodFather III”,(Kumbari) ka jetuar në Sicili,vend i njohur si zemra e mafies italiane.
Ndërsa për filmin “Taxi Driver”, ai punoi si taksist me muaj të tërë, në mënyrë që të mësonte të gjitha truket e këtij profesioni.
Përsa i përket filmit “New York, New York”, De Niro mësoi si të luante në saksofon.
Përgatitja e tillë e tij për filmat, e shndërroi atë në një aktor profesionist, me fame botërore dhe mjaft të dashur për publikun deri në ditët e sotme.
Ja si ka ndryshuar ai deri para tre viteve.
Në jetën e tij ai pati dy martesa. Aktori u martua me aktoren Diahnne Abbott në 1976 dhe nga martesa e tyre lindën një djalë. 12 vjet më vonë, në 1988 , martesa e tyre përfundoi në divorc.
De Niro atëherë pati një lidhje të gjatë me modelen Toukie Smith me të cilën pati djem binjakë të cilët erdhën në jetë në v. 1995.
Viti 1997, do të sillte për aktorin që tashmë ishte bërë një yll i kinemasë, martesën me Grace Hightower , me të cilin ka gjithashtu një djalë, por edhe kjo martesë do të përfundonte në nëntorin e vitit 2018. Ru.Do/ Fjala
