Sekretari i Përgjithshëm i Komitetit Kombëtar të Organizatës së Veteranëve të LANÇ të Popullit Shqiptar, Odhise Porodini mbush 90 vjeç.
Ja çfarë shkruan drejtuesi i i Komitetit Kombëtar të Organizatës së Veteranëve të LANÇ të Popullit Shqiptar për shokun Odhise Porodini!
MESAZH URIMI
I KOMITETIT KOMBËTAR TË ORGANIZATËS SË VETERANËVE
TË LANÇ TË POPULLIT SHQIPTAR “NDERI I KOMBIT”
D R E J T U A R SHOKUT ODHISE PORODINI
ME RASTIN E 90- VJETORIT TË LINDJES
I dashur shoku ynë Odhise Porodini!
90-vjetori i lindjes Suaj, më 20 Gusht 1930, na jep rastin e gëzuar t’ju sjellim urimet më të përzemërta vëllazërore të Komitetit Kombëtar të Organizatës së Veteranëve të LANÇ të Popullit Shqiptar; shëndet e jetë të gjatë, gëzime e lumturi në familje dhe suksese të mëtejshme në misionin e lartë atdhetar që jeni duke kryer në detyrën e nderuar të Sekretarit të Përgjithshëm të Komitetit Kombëtar të Organizatës së Veteranëve të LANÇ të Popullit Shqiptar.
U linde në fshatin Labovë e Vogël dhe, në moshën 5 vjeçare, me ndarjen nga jeta të babait Tuaj, Mihalit, u larguat nga vendlindja për të jetuar bashkë me nënën tuaj të dashur, Athina, në fshatin Karjan te prindërit e saj. Bir i një familjeje të varfër, por besnike e atdhetare, Ju shoku Odhise, me sakrifica mbaruat shkollën fillore dhe që fëmijë do të provonit vështirësitë e jetës duke punuar dhe punëtor krahu.
Lëvizja Antifashiste Nacionalçlirimtare ishte shkëndija e shpresës dhe për Ju, si djalë i parritur mirë, por të rrahur me dallgët e jetës. Në nëntor të vitit 1943, Ju u zgjodhët përgjegjës i Organizatës së Pionierëve Antifashistë “DEBATIK”, të fshatit. Në marsin e vitit 1944 e deri në çlirimin e vendit, nga pushtuesit nazifashistë dhe bashkëpunëtorët e tyre, ishit pjesëtar i Grupit të Dytë Ushtarak të Pezës.
Mbas çlirimit të vendit, në moshën 16 vjeçare, morët pjesë në disa aksione kombëtare të rinisë.
Në zgjedhjet e pushtetit lokal të vitit 1948, u zgjodhët kryetar i lokalitetit të Lunxhërisë e, më pas, i plotfuqishëm i grumbullimit. Ndërsa në vitin 1950, u angazhuat me detyra në organet e Punëve të Brendëshme e në ato të drejtësisë.
Me një vullnet të admirueshëm, krahas detyrave shtetërore, keni kryer njëra pas tjetrës nivelet e ndryshme të arsimit, me rezultate të shkëlqyera, deri dhe Fakultetin e Drejtësisë, ku u diplomua jurist.
Kudo ku keni jetuar dhe punuar, Ju shoku Odhise, keni qenë model i një njeriu të ndershëm, të dashur, të drejtë dhe të çiltër, i thjeshtë si njeri, por tepër i gjallë si veprimtar, patriot, fisnik dhe militant kosekuent në mbrojtjen e vlerave të LANÇ. Ju, shoku Odhise, kini dhënë kontribut të çmuar edhe në fushën e publicistikës me shkrime e libra të ndryshme ku, në qendër të tyre, spikat besnikëria, respekti për idealet e LANÇ. Qytetar aktiv, intelektual i kulturuar, prind e gjysh i mrekullueshëm, punoni sistematikisht për transmetimin e vlerave më të mira njerëzore.
Me daljen në pension, u radhitët në armatën e madhe të veteranëve të LANÇ, dhatë kontribute të vyera në dobi të mbrojtjes me përkushtim të vlerave të LANÇ, kundër përpjekjeve nga kolaboracionistët që bëhen për denigrimin e saj. Nga Konferenca e 7-të jeni zgjedhur anëtar i Komitetit Kombëtar të Organizatës së Veteranëve të LANÇ të Popullit Shqiptar, anëtar i Kryesisë, nën/kryetar i Komitetit Kombëtar dhe që nga viti 2010 jeni zgjedhur sekretar i Përgjithshëm i Komitetit Kombëtar të Organizatës së Veteranëve të LANÇ, detyrë të cilën e kryeni me përkushtim e nivel të lartë.
Për merita lufte e pune, Ju shoku Odhise, mbani 8 urdhra e medalje të ndryshme. Mbani edhe titullin e lartë: “Nder i Organizatës së Veteranëve të LANÇ”, “Nderi i Organizatës së Familjeve të Dëshmorëve të LANÇ dhe Dëshmorëve të tjerë të Atdheut” dhe i Shoqatës së Invalidëve të Luftës”, “Nder i Qarkut të Gjirokastrës”, si dhe çerifikatën e mirënjohjes nga Bashkia e Tiranës.
I dashuri shoku Odhise Porodini!
Kryesia e Komitetit Kombëtar të Organizatës së Veteranëve të LANÇ të Popullit Shqiptar, shokët dhe shoqet veteranë e pasardhës, Ju urojmë përzemërsisht për 90-vjetorin e lindjes: Jetë të gjatë, shëndet të plotë, suksese dhe kontribute të tjera në punën tuaj drejtuese në Organizatën e Veteranëve të LANÇ, mbarësi, mirësi e lumturi në familjen Tuaj të nderuar.
K R Y E T A R I
Rustem Peçi
Tiranë më 20.08.2020
