4 ditë pasi 17-vjeçarja Enisa Doda u mbyt në Velipojë, Gjykata e Shkodrës ka vendosur masën e sigurisë arrest me burg për 25-vjeçarin që e shoqëronte.
Bajraktari ka thënë në seancë se ai dhe vajza ishin pa jelekë mbrojtës teksa shëtisnin në det me motoskaf. Në dëshminë e tij të mëparshme, 25- vjeçari ka thënë se vajza ra nga motorskafi dhe u mbyt në ujë.
Ai tashmë akuzohet vrasje për pakujdesia, si dhe për pengim të zbulimit të së vërtetës pasi fillimisht kur doli nga deti gënjeu pronarët e motorskafit dhe tentoi të largohet. Bajraktari kishte ardhur për pushime në Shqipëri, pasi jetonte në Angli dhe gjatë plazhit në Velipojë kishte njohur 17- vjeçaren Enisa Doda, me të cilën kishin njohje familjare dhe dolën xhiro me motorskaf.
Ngjarja ndodhi më 19 gusht dhe Enisa Doda u mbyt në det pasi ra nga motorskafi.
Autopsia nxori se në trupin e Enisa Dodës kishte të nxira por jo shenja dhune. Dyshohet se Doda nuk dinte not teksa sipas Policisë, Bajraktari e la në det të mbytur dhe doli vetë pa të dhe motorskafin në breg.
