Antonia Nikolla, 27-vjeçarja e humbur disa ditë më parë në Greqi, është gjendur.
Lajmi është konfirmuar nga bashkëshorti i saj, i cili ka njoftuar Policinë se nëna e 4 fëmijëve ishte kthyer shëndoshë e mirë në shtëpi.
Megjithatë ende nuk dihen arsyet e largimit të saj nga banesa. E reja kishte folur me të shoqin në telefon në datën 12 gusht, ndërkohë në shtëpi i kishe lënë edhe një letër lamtumire.
LETRA E LAMTUMIRËS:
Dua t’ju kërkoj falje, por nuk mund të duroj më. Kam duruar shumë deri më tani. Të kam dashur dhe të dua shumë! Nuk do ta harroj se si më shikuan ato sy ditën e parë që u takuam sepse ti më vështron ashtu edhe sot! Më pëlqen të shihem në sytë e tu sepse më admiron dhe më tregon se sa e rëndësishme jam për ty! Do të më mungojë shumë përqafimi yt! Faleminderit për tre krijesat e vogla që më dhurove, faleminderit për këtë familje të bukur që më dhurove. Merrni vajzat tona dhe shëroje shpirtin e tyre. Të dua shumë! Antonia…
Ka.Li/fjala.al
